Kategoriaren artxiboa: Sustrai Erakuntza fundazioa

Sustrai Erakuntza fundazioaren aktibitateari buruzko horriak

Makrogranjak jomugan

es 29 Mai 2026 - Makroustiategiak, Sustraiko txostenak

7.000 txerri baino gehiagoko makrogranja berri bat jarri nahi dute Corellan, baina bai Udala, bai herritarren zati handi bat proiektuaren aurka agertu dira. Proposamenak berriz ere mahai gainean jarri du Nafarroan aspalditik dugun eztabaida: abeltzaintza industrialaren hedapenarena, hain zuzen ere. Azken hilabeteotan eztabaida areagotu da, abeltzaintza industrialarekin lotura estua duten biogaseko makroproiektuen aurkako mobilizazioekin. Maiatzaren 10ean Iruñean egindako manifestazioa, 1.500 pertsona baino gehiago bildu zituena, honen guztiaren erakusgarri da.

Jarraitu irakurtzen →

Nafarroako hainbat erakundek ohartarazi dute: biogaseko makroplantek arriskuan jartzen dituzte gure herrietako lehen sektorea eta bizi-kalitatea

es 27 Mai 2026 - Energia, Makroustiategiak, Prentsa oharrak

Nafarroako hainbat erakundek – besteak beste, NEETEN koordinakundean bildutako tokiko plataformek, biogas makroplanten aurkako herri plataformek eta Sustrai Fundazioak – alegazioak aurkeztu dizkiote Trantsizio Ekologikorako Ministerioak biometanoaren hedapenaren baldintzei buruz egindako kontsulta publikoari.

Jarraitu irakurtzen →

Nitratoek eragindako kutsaduraren aurrean: nekazaritza, abeltzaintza eta biogas planta industrialen moratoria

es 22 Mai 2026 - Makroustiategiak, Prentsa oharrak, Sustraiko txostenak

Maiatzaren 10ean, 1.500 pertsonak baino gehiagok biometanizazio plantendako bi urteko luzamendua eskatu zuten. Mobilizazioaren aurretik, 15.000 alegazio baino gehiago aurkeztu ziren Nafarroako biogas proiektuen aurka. Aldarrikatutako moratoriak planta hauen hedapen irrazionala sustatzen duen orain arteko norabidea zuzentzeko balio beharko luke. Nahitaezkoa da afektatutako sektore eta lurraldeen beharren diagnostiko egiaztatua izatea, plangintza demokratikoa ahalbidetzeko, akuiferoak eta lurzoruak kutsaduratik babestea bermatuko duena, eta bateragarria izango dena nekazaritza eta abeltzaintza kalitatezkoa eta jasangarriarekin. Egunak joan dira eta Nafarroako Gobernuak ez du oraindik jarrera publikorik hartu.

Jarraitu irakurtzen →

Antonio Turiel: Biogas plantak, ustez berriztagarria den boom berria, gure landa eremuak mehatxatzen dituena

es 14 Mai 2026 - Audio eta bideo, Etorbidea, Makroustiategiak, Sustraiko txostenak

Antonio Turiel CSICeko fisikariak biogas planten arazo energetikoei eta boomari buruzko hitzaldia eman berri du Iruñean. Ondoan izan zituen Antonio Aretxabala, Geologian doktorea, eta Claudia Oses, Nafarroako biogas planten aurkako plataformen ordezkari gisa, ekitaldia aurkeztu zuena. Bere hitzaldian, Turielek petrolio eta gas naturalaren horniduraren arazoei buruz hitz egin zuen lehenik, eta, ondoren, energia berriztagarrietarako trantsizioan bilatzen ari diren irtenbide posibleei buruz.

Jarraitu irakurtzen →

Manifestazioa Iruñean biometanizazio makroplantei benetako moratoria eskatzeko

es 10 Mai 2026 - Makroustiategiak, Prentsa oharrak

STOP BIOGAS MAKROPLANTAK hainbat plataforma nafarrek manifestazioa egin dute gaur eguerdian Iruñeko kaleetan zehar. Ekimen honen aurretik, informazio-lan handia egin da kaltetutako herrietan hitzaldiarekin (Viana, Los Arcos, Sesma, Lodosa, Mendavia, Arroitz, Murillo el Cuende, Sartaguda, Mendabia, Cintruenigo, Lizarra, Andosilla…), zeinetan 1.000 pertsonak baino gehiagok parte hartu duten. Eta honekin batera, auzo-mobilizazio handia egon da eta ia 15.000 alegazio aurkeztu dira makroproiektue ezberdin hauei.

Jarraitu irakurtzen →

Nitrato kutsaduragatik Zaurgarriak diren Eremuetan Jarduteko Programari ekarpenak egiteko deia egin du Sustrai Erakuntzak

es 29 Api 2026 - Makroustiategiak, Tresnak, Ura eta urtegiak

Nafarroako Gobernuko Landa Garapen eta Ingurumen Departamentua dokumentu bat idazten ari da gaur egun, nekazaritzatik eratorritako nitrato kutsaduragatik Zaurgarriak diren Eremuetan jarduteko programaren ingurumen-ebaluazioa egiteko. Sustrai Erakuntza fundazioa izan da programa honi buruzko iritziak emateko kontsultatu den erakundeetako bat. Eta egoeraren larritasuna ikusita, programari ekarpenak egiteko bi dokumentuak prestatu ditu (dokumentu laburtuta, dokumentu osoa), pertsona, talde eta elkarte gehiagok Departamentuari helaraz diezaioten animatzeko, honek kontuan har dezan Eremu Kalteberen kutsadura-arazoaren garrantzia.

Jarraitu irakurtzen →

Nafarroako biogas planten moratoria luzatzeko eskatu dute plataformek, landa ingurunea babesteko, eta manifestazioa deitu dute

es 27 Api 2026 - Makroustiategiak, Prentsa oharrak

Gaur, apirilak 27, Viana, Los Arcos, Lodosa, Sesma, Arroitz, Mendavia, Cintruenigo, Sartaguda eta Murillo el Cuendeko biometanizazio-makroplanten kontrako herri-plataformak biltzen dituen koordinakundeak Parlamentuko talde politikoei zuzendutako idazki bat erregistratu du Nafarroako Parlamentuan.

Jarraitu irakurtzen →

Talde herrikoiei deialdia Abiadura Handiko Trena gelditzeko eskatzeko

es 23 Api 2026 - Prentsa oharrak, Prestazio Handiko Trena (AHT)

Iaz, Nafarroako AHTaren aldeko Plataforma sortu zen, Foru Erkidegoan makro azpiegitura honen lanak azkartze aldera. Plataforma honek Nafarroako enpresa-eliteen interesak ordezkatzen ditu; izan ere, aurrekaririk gabeko mundu-mailako krisi eko-sozialaren testuinguruan, haien onura ekonomikoa eta sare klientelarrak natura eta bizitzaren garestitasunak, murrizketek eta pribatizazioak geroz eta gogorrago jotzen duten langile-klasearen bizi-baldintzen aurretik jartzen dituzte. Era berean, ez dirudi AHTaren eraikuntzaren muturreko lan-esplotazioak axola dienik, Euskal Herriko obretan 13 langile hil baitira, ez eta Estatuko sarean mantentze-lan eskasak direla eta dagoen segurtasun faltak ere, Kordobako istripuan eta beste gorabehera askotan frogatu den bezala.

Jarraitu irakurtzen →

“Biogasa energia berriztagarria da, baina horrek ez du esan nahi jasangarria denik”

es 15 Api 2026 - Audio eta bideo, Makroustiategiak

Azken urteetan nabarmen ugaritu dira biometanizazio plantak Nafarroan, Europako diru-laguntzek bultzatuta. Baina benetan irtenbide jasangarriak dira? Mikel Saralegi eta Jule Goñi, Sustrai Erakuntzako kideak, Euskalerria Irratiko estudioan egon ziren hori buruz elkarrizketa sakon bat egiteko. Eta han biogasaren atzean dauden interesak, arriskuak eta ondorioak aztertu zuten, hemen entzun dezakezun moduan…

Jarraitu irakurtzen →

Arroizko biogas plantaren aurkako errekurtsoa, irregulartasun pilaketarengatik

es 10 Api 2026 - Makroustiategiak, Prentsa oharrak

Sustrai Erakuntza Fundazioak gora jotzeko errekurtsoa aurkeztu du Arroizko biogas plantaren baimenaren aurka. Eta ez du bakarrik egin, ezta gutxiago ere. 4.252 pertsona eta elkarte baino gehiagok gauza bera egin dute, Stop Biogas Arróniz plataformak animatuta. Izan ere, arrazoiak ez dira falta Sevillan sortutako eta lurraldearentzat hain kaltegarria den enpresa-ekimen hau baztertzeko.

Jarraitu irakurtzen →