Lizarraldea Bizirik – Pueblos Vivos sareak “Lizarraldea Bizirik-eko Ostegunak” jardunaldiak antolatu ditu. Gai garrantzitsuei buruzko hausnarketara eta elkarrizketara gonbidatzen duten hitzaldiak dira, hala nola trantsizio energetikoa, estraktibismoa, nekazaritza-abeltzaintza, klima-aldaketa, militarismoa, datu-zentroak eta beste hainbat gai. Mintzaldi horietan aipatutako gaiak sakon ezagutzen dituzten pertsonek parte hartuko dute, eta Lizarraldeko herri txikietan egingo dira: Larrion, Aritzala, Arroitz, eta Oteitzan. Hauxe da jardunaldien programa osoa:

Joan den uztailean, Lurralde Antolamenduak baimena ukatu zion Artaxoan eta Mendigorrian proiektatutako hamar haize-errotaz osaturiko poligono eoliko bati, Oteitzako azpiestazioan konektatu nahi zuena Zirauki eta Bilatortako udalerriak zeharkatuta. Proiektu horren aurka alegazioak aurkeztu zituzten hainbat udalek (horien artean, eragin handiena jasango zuten bi udalerriek, Artaxoa eta Mendigorriak, haiz zuzen ere), hainbat kolektibok eta elkartek, eta 800 pertsona baino gehiagok.