Sustrai Erakuntza fundazioak alegazioak aurkeztu dizkie Iruñerriko iparraldean dagoen Sacyr enpresaren makro-poligono eolikoei (Nafarroa 1, Nafarroa 2 eta Nafarroa 4) eta Andia mendilerroaren hegoaldeko hegalean dagoen Green Capital Power enpresari (Aldane). Bi proiektu horiek oposizio sozial handia dute. Horren erakusgarri dira Urbasa-Andia bizirik plataformak Aldane proiektuari jarri dizkion 5.000 alegazioak eta astelehen honetan Haize Berriak plataformak Sacyrren proiektuei jarriko dizkien milaka alegazioak. Proiektu biek inpaktu larriak dituzte ingurumenean zein mendien biodibertsitatean: Olaibar, Esteribar eta Erro haranen arteko gailurrak lehenengo kasuan, eta Andia mendilerroaren hegalak bigarren kasuan, Lezaun eta Iturgoien inguruan.

“Berriztagarriak BAI, honela EZ” jardunaldiak aurkezten ditugu. Bi hitzaldi, hainbat egilerekin, eta urriaren 4an eta 6an izango dira, 18:30etik 21:00ak arte, Kondestable Civivox-ean (Kale Nagusia 2, Iruñea). Mintzaldi guztiak batzen dituen ardatza trantsizio energetikoa eta biodibertsitatean eta gizartean eragiten dituen inpaktuak dira, hori guztia Lurreko baliabide energetiko eta mineralen murrizketaren testuinguruan kokatuta.

Nafarroako Gobernuak iragarri berri du eguzki-plakekin estali nahi duela Nafarroako Ubidearen lehen fasearen zati garrantzitsu bat (aire zabalean eraikitako 57 kilometro eta 1. faseko hiru putzu, 183 hektarea osotara), azpiegitura hidrauliko hori optimizatzeko, nafarrok hain garesti ordaintzen ari garena.

2021az geroztik, Nafarroan, eoliko- eta eguzki-poligonoen makroproiektu ugari jasaten ari gara. Sortzen duten ingurumen-inpaktuek, plangintzarik ezak eta haren ezarpen kaotiko eta irrazionalak alegazioak egiteko lan handia egitera behartzen gaituzte. Horrela, jadanik, maiatzaren amaieran, 36 proiekturi aurkeztu dizkiogu alegazioak.

Eguzki plaka eta eoliko makroproiektuen aurkako Nafarroako plataformak Nafarroako Energia Eraldatzen / Transformando la Energia Navarra (NEETEN) izenpean biltzen dira. Nafarroako erakunde politiko, sindikal eta sozialek eoliko zein eguzki makroproiektuen prozedura guztiak bertan behera uzteko eskatzen dute. Sustrai Erakuntza fundazioak ekimen hau atxikitzen du ere…