Sustrai Erakuntza Fundazioak uste du Nafarroan jada errealitatea dela abiadura handiko tren korridore berria eraikitzeko proiektuaren aldaketa (AHT, EBT, EAH, izen guztiak sinonimoak dira). Asteon Aralarko parlamentari Txentxo Jimenezek aurreratu du, eta Nafarroako Gobernuari eskatu dio AHTaren obrak bertan behera uzteko, mahai gainean utzi baititu Sustapen Ministerioak Nafarroako abiadura handiko korridorearen “aldaketa sakonei” buruz dituen zalantzak. Jarraitu irakurtzen
Kategoriaren artxiboa: Prentsa oharrak
Nafarroako Justizia Auzitegi Nagusiak Nafarroako Hondakin Plana baliogabetu du
Aste honetan bertan argitaratu den 2013ko urtarrilaren 10ean emaniko ebazpenean, Nafarroako Justizia Auzitegi Nagusiak (NJAN) Nafarroako Hondakinen Kudeaketarako Plan Integratua 2010-2020 (NHKPI) balio gabe utzi du. Nafar Gobernuak NHKPIa 2010eko abenduaren 27an onartu zuenean, SUSTRAI ERAKUNTZA FUNDAZIOAK eta SAKANAKO MANKOMUNITATEAK administrazioarekiko auzien epaitegian demandatu zuen. Prentsa oharra osoko textua irakurtzen jarraitu dezakezu, baina gure kide den Alfontso Euskalerria Irratian eginiko elkarrizketa zati bat entzun dezakezu ere hemen, edo archive.org webgunean: Jarraitu irakurtzen
Sustrai Erakuntzak, Nafarroako AHTaren Castejon-Cadreita bidegunea eraikitzeko lanak direla eta
Castejon eta Cadreita arteko bidegunerako Prestazio Handiko Trenaren lanen berehalako hasiera dela eta, Sustrai Erakuntza fundazioak Nafarroako Gobernua aurrera iheska dabilela uste du. Indarrean dagoen Ingurumenaren gaineko Eraginaren Ebaluaziorik (IEE aurrerantzean) ez dauka proiektuak eta kontu hau epaitegietan salatua dagoenez, Sustrai Erakuntza fundazioak jardueraren gauzatzeak duen ziurtasun juridiko eza salatu nahi du. Jarraitu irakurtzen
Sustrai Erakuntzak Olaztiko Cementos Portlanden hondakinaren errausketa proiektuari alegazioak aurkeztu dizkio
Olatzagutiako porlandegian hondakinak erre ahal izateko Nafarroako Gobernuak Udalez Gaindiko Plan Sektoriala izendatu du. Erabaki horren kontrako alegazioak aurkeztu eta bere tramitazioa bertan behera gelditzeko eskatu du Sustrai Erakuntza fundazioak. Alegazioaren osoko textua ere irakurri dezakezu (erderaz), baina hemen duzu laburpen bat… Edo gure kide den Pablo Lorente Hala Bedi Irratian eginiko erderazko elkarrizketa bat entzun dezakezu ere hemen, edo archive.org webgunean: Jarraitu irakurtzen
Etxabakoizko AHTaren Planari Epaitegi Gorenean helegitea aurkeztua
Sustrai Erakuntza Fundazioak Iruñeko tren geltoki berriaren inguruaren garapenerako Udalaz gaineko Eragineko Sektore Plana (UESP) dela eta, kasazio-errekurtsoa aurkeztu berri du Epaitegi Gorenean (Microsoft Word artxibategia, 38 Kb). Jardun judizial berri hau Nafarroako Justizia Epaitegi Gorenak (NJEG), 2012ko urtarrilaren 16an jaulkitako epaiak (PDF artxibategia, 122 Kb) eragin du. Epai horren epaitzan NJEGk Sustraik 2010eko azaroan jarritako administrazioarekiko auzien helegite (Microsoft Word artxibategia, 183 Kb) bat ezesten du. Sustraik ezarritako helegiteak AHTaren geltoki berria Etxabakoitzen ezartzeko Nafar Gobernuak onartu zuen UESParen aurka egiten zuen. Jarraitu irakurtzen
Sustrai Erakuntza Nafarroan hasi diren Abiadura Handiko Trenaren lanen aurrean
Nafarroako Abiadura Handiko Trenaren (edo Prestazio Altuko) hasierako lanen iragarpenaren aurrean, Sustrai erakuntza Fundazioak jakinarazi nahi du, Nafar Gobernuaren zentzugabekeria deitoratzen duela eta asmo honekin aurrera jarrai ez dezan gogo handiz lanean segituko duela. Sustraien iritziz, pentsatutako azpiegitura ez da beharrezkoa komunitatearen etorkizunerako, hala, azken honen eraikitzea eta martxan ezartzea gizarteari inongo onurarik ekarriko ez dion baliabideen xahutzea besterik ez da.
Jarraitu irakurtzen
Nafarroako abiadura handiko trenaren lotura-proiektuaren errentagarritasun sozialari buruzko txostena
Gaur, 2011ko azaroak 2, Sustrai Erakuntza Fundazioak nafarroako abiadura handiko korridorearen proiektuaren errentabilitate sozial eta ekonomikoari buruzko ikerketa aurkeztu du. Lan hau Roberto Bermejo, David Hoyos eta Alejo Etchart (EHU-UPV) ikerlariek egin dute. Textu barruan ainbat dokumentu deskargatu dezakezu (tartean txostena), baina eskema era duen laburpen hau gomendatzen dugu (PDF fitxategia, 98 Kb, erderaz bakarrik).
Abiadura Handiko Nafar Korridorea (AHTa) Auzitegi Nazionalean
Azken hilabete hauetan, eraikitzeko baimenak ematen ari diren honetan, Castejon eta Iruñeko tramuen Ingurumenaren gaineko eraginari buruzko adierazpenei errekurtsoa jarri zaie Auzitegi Nazionaleko epaitegian. Helegitearen funtsa, 2004ko abuztuan onetsitako tramu desberdinetako adierazpenen baliozkotasun faltan oinarritzen da. Jarraitu irakurtzen
SUSTRAIk 49 nafar udalei AHTari lotutako ingurumen informazioa eskatu die
Nafarroako AHTren eraginpean dauden udalei, horren inguruan daukaten informazioa eskatu zaie. SUSTRAI Erakuntza, irabazi gabeko fundazioak, aurrera pausu bat eman nahi du beste modelo sozial baten bidean.
Sustrai fundazioak, ia 50 nafar udalei daukaten ingurumen informazioa eskatu die aurtengo urtarrilaren buruan, AHT Nafarroatik pasatzeko dagoen proiektuaren aurrean.
Ingurumenaren inguruko informazioa eskuratzeko dagoen legislazio orokorrean dago oinarritua. Arautegi honek europar bizilagun orok, autoritate publikoek daukaten ingurumenari buruzko informazioa eskuratzearen eskubidea erregulatzen du, erabakitze prozeduretan parte hartzeko eskubidean eta errebisio administratibo eta judizialetan ere.
AHTren proiektuaren eraginpean informazioa eskatu zaien zenbait udal hauexek dira: Cortes, Buñuel, Ribaforada, Tutera, Castejón, Valtierra, Olite, Tafalla, Pueyo, Garinoain, Barasoain, Biurrun, Beriain, Noain, Cendea de Zizur, Iruña, Cendea de Olza, Arakilgo bailara, Irañeta, Uharte-Arakil, Lakuntza, Arbizu, Etxarri-Aranatz, Bakaiku, Altsasu, Betelu eta Araitz.
Eskaera honekin, Sustrai Erakuntza Fundazioak zenbait puntu ziurtatu nahi ditu, herritarrek informazioa eskuratzeko duten eskubidearen aurrean udalek duten jarrera, eta udalek zer nolako informazioa duten AHTren proiektuaren inguruan.
Sustrai fundazioak uste du, makro-proiektu hau aurrera ateraz gero, Nafarroak ondorengo urteetan sufrituko duen ezegonkortasun ekologiko, ekonomiko, sozial eta territorial handiena izango dela. Honek ez dio inolako garrantzirik kendu nahi herri bakoitzak izango dituen arazo partikularrei.
49 udalei eskatutako informazioa itxaron bitartean, bizi dugun egoeraren eraginez eta iragan beltzaren aurrean, Sustrai Erakuntza Fundazioak bere lanarekin jarraituko du, pertsona indibidual zein elkarteekin giza sare zabala sortuz, ingurumenaren defentsan.
SUSTRAI fundaziotik esan nahi dugu lana gogorra eta handia izaten ari dela. Geratzen dena ere hala izango dela, kontzientziazio sozialean, zabaltzean, demanda judizialetan, egungo legislazioa ingurumen gaietan eta giza eskubideak bete daitezen Nafarroan, Estatuan eta Europa mailan.
Bukatzeko, eskerrak eman nahi dizkiegu pertsona indibidual, herritar eta nafar herritar sentikorrei egindako esfortzu eta ekarpenengatik, esfortzu pertsonal handia egiten ari baitira beste modelo sozial bat lortu ahal izateko. Baita lanean jarrai dezatela esan nahi diegu, nafar guztiak gure ingurumenaren jabe izan gaitezen, mendeetan zehar mantendu eta aberastu gaituen amalurra zainduz gure arbasoen moduan.
Nafarroan, 2011-01-31
Sustrai Erakuntza Fundazioa
http://www.sustraierakuntza.org/
sustraierakuntza@gmail.com