Sustrai Erakuntza Fundazioak uste du Nafarroan jada errealitatea dela abiadura handiko tren korridore berria eraikitzeko proiektuaren aldaketa (AHT, EBT, EAH, izen guztiak sinonimoak dira). Asteon Aralarko parlamentari Txentxo Jimenezek aurreratu du, eta Nafarroako Gobernuari eskatu dio AHTaren obrak bertan behera uzteko, mahai gainean utzi baititu Sustapen Ministerioak Nafarroako abiadura handiko korridorearen “aldaketa sakonei” buruz dituen zalantzak. Jarraitu irakurtzen
Kategoriaren artxiboa: Sustrai Erakuntza fundazioa
Hondakinak: zabor ala baliabide?
Zaborrak ingurunearekiko baita arazo energetiko, sozial eta ekonomikoen iturri dira. Gaur egungo gizarteak, zaborren auzia sortzen duten kutsadurarekin, usain txarrekin, baita zabortegien betetze eta asetzearekin lotu ohi du besteak beste. Jarraitu irakurtzen
Nafarroako parlamentuko kontseilariaren agerraldia NHKPIak indargabetzen duen epaiari buruz
Jose Javier Esparza Abaurrea Landa Garapen, Ingurumen eta Toki Administrazio kontseilariak parlamentuko batzordean azaldu zuenez, Nafarroako Hondakinen Kudeaketa Plan Integralak (NHKPI) eta Olaztiko porlandegiaren balioztapen proiektuak “zerikusik ez duten bi gauza dira”. Artikulu honetan agerraldian esan zuenaren transkripzioa egiten da, baina bideoan ere ikusi dezakezue eztabaida osoa… Jarraitu irakurtzen
Nafarroako Justizia Auzitegi Nagusiak Nafarroako Hondakin Plana baliogabetu du
Aste honetan bertan argitaratu den 2013ko urtarrilaren 10ean emaniko ebazpenean, Nafarroako Justizia Auzitegi Nagusiak (NJAN) Nafarroako Hondakinen Kudeaketarako Plan Integratua 2010-2020 (NHKPI) balio gabe utzi du. Nafar Gobernuak NHKPIa 2010eko abenduaren 27an onartu zuenean, SUSTRAI ERAKUNTZA FUNDAZIOAK eta SAKANAKO MANKOMUNITATEAK administrazioarekiko auzien epaitegian demandatu zuen. Prentsa oharra osoko textua irakurtzen jarraitu dezakezu, baina gure kide den Alfontso Euskalerria Irratian eginiko elkarrizketa zati bat entzun dezakezu ere hemen, edo archive.org webgunean: Jarraitu irakurtzen
Hondakinen errausketa Cementosen eta Nafarroako Hondakin Plana
Dagoeneko, Sakanako biztanle gehienek jada jakinen dute Nafar Gobernuak Cementos Portlandek Olaztiko plantan hondakinak errauts ditzan baimena onartu duela. Eta hori udalaren beharrezko onarpenik gabe egin duela ere bai, udalaz gaindiko eraginaren formula erabiliz horretarako. Jarraitu irakurtzen
Sustrai Erakuntza Fundazioaren 2012 urteko jardueren memoria
Sustrai Erakuntzaren Fundazioak batzar informatibo bat egin zuen joan den astean bere emaleendako. Hainbat gai jorratu genuen batzarran, haien artean artikulu honetan duzuenak: sarrera, jarduera juridikoak, jarduera juridiko-teknikoak (alegazioak), informazio-jarduerak, kontaktu eta kolaborazioak, eta 2013rako helburuak. Bileran ere prentsa idatzian gure komunikatu eta idatziak eraginaren txostena, eta gure web horrian publikatu dugun artikulu guztiak aipatu genuen (eta hemen behean duzue ere). Hona hemen, beraz, Sustrai Erakuntza Fundazioaren 2012 urteko jardueren memoria osoa:
Krisi ekonomikoa edo energi krisia
Krisia orain dela bost urte hasi zen, eta geroztik politikariek eta komunikabideek noizbait hazkunde ekonomikora itzuliko garela iragarri digute. Baina errealitateak esaten diguna zera da, beraien aurreikuspenek porrot egin dutela, eta jendeak jada ez duela konfiantzarik ezta itxaropenik ere beraiengan. Gero eta gehiago dira egungo krisi ekonomikoaren sorrera ingurumen eta energi krisian oinarritzen duten adituak. Jarraitu irakurtzen
“Subiranotasun energetikoaren aldeko proposamena Nafarroan” hitzaldiaren dokumentua
Sustrai Erakuntza Fundazioak, gaur egungo energiaren eredu xahutzaileari buruzko eta eredu berri baterantz pausoa eman beharrari buruzko txostena prestatzen ari da. Pasa den azaroaren 13an, Pablo Lorente gure kideak txosten horren laburpena aurkeztu zuen Zabaldin “Subiranotasun energetikoaren aldeko proposamena Nafarroan” izenburupeko hitzaldian. Eztabaidagaiak interes handia sortu zuen elkartu zen publikoaren artean, lekua beteta zegoelarik eta hainbat hausnarketa eta galderekin parte hartu zuten bertaratutakoek. Ondorengo estekan, hitzaldirako erabilitako dokumentua aurkezten dugu prestatzen ari garen subiranotasun energetikoaren inguruko txostenaren sarrera gisa (PDF artxiboa, 154 Kb; edo epub artxiboa, 147Kb; erderaz biak). Horrela, txostena eta Pablorekin egindako solasaldi txiki batetik Gara egunkariak egin duen laburpena daukazu irakurtzeko ondoren, eta beste orri honetan hitzaldiaren bideo osoa ikusteko. Jarraitu irakurtzen
Nafarroaren burujabetza energetikoaren alde
Planetako energiaren ustiapena, banaketa eta salmenta transnazionalen eskuetan biltzen da nagusiki. Honek energia proiektu gero eta erraldoiagoak sorrarazten ditu, ingurumen eta jendarte kostu gero eta handiagoekin: zentral termikoak, tentsio altuko lineak, AHTak… eta baita zentral nuklearrak ere, dagokien bizialdia etengabe luzatuz. Dena dela, energiarekin espekulatzeak planetaren oreka ekologikoa eta pertsonen bizitza jartzen ditu jokoan. Jarraitu irakurtzen
Sustrai Erakuntzak, Nafarroako AHTaren Castejon-Cadreita bidegunea eraikitzeko lanak direla eta
Castejon eta Cadreita arteko bidegunerako Prestazio Handiko Trenaren lanen berehalako hasiera dela eta, Sustrai Erakuntza fundazioak Nafarroako Gobernua aurrera iheska dabilela uste du. Indarrean dagoen Ingurumenaren gaineko Eraginaren Ebaluaziorik (IEE aurrerantzean) ez dauka proiektuak eta kontu hau epaitegietan salatua dagoenez, Sustrai Erakuntza fundazioak jardueraren gauzatzeak duen ziurtasun juridiko eza salatu nahi du. Jarraitu irakurtzen