AHT Gelditu! Elkarlanak, Ekologistak Martxan-ek eta Sustrai Erakuntza Fundazioak manifestu bateratu baten zabalkundea egiten ari garela jakinarazi nahi dizuegu, Nafarroan AHT berehala gelditzeko aldarria eginez eta bide batez, heldu den apirilaren 11n giza-kate baten deialdirako gonbidapena egiten dizuegu. Giza-kate hau 12:30ean Iruñeako Sarasate Pasealekutik aterako da. Jarraitu irakurtzen
Kategoriaren artxiboa: Prentsa oharrak
Sustrai Erakuntzak benetako parte hartze prozesua eskatu du Nafarroako Hondakinak Kudeatzeko Plan berria (PIGRN) osatzeko
Jakina denez, Nafarroako Hondakinak Kudeatzeko Plana (PIGRN 2010-2020) bertan behera utzi du Espainiako Auzitegi Gorenak, behin betirako. Ondorioz, Nafarroako Gobernuak hasi du plan berri bat osatzeko prozesua: “Nafarroako Hondakinak Kudeatzeko Plan Integratua 2015-2025” (PIGRN). Erran daiteke, beraz, bost urte galdu ditugula Nafarroako hondakinen kudeaketaren auzian, eta plan berriarekin, aurrekoaren urteak aldatu nahi dituztela, nagusiki. Hortik aurrera, ezer gutxi. Gure prentsa oharra irakurtzen jarraitu, baina baita ere gure salaketari Nafar Gobernuaren erantzuna ikusi… Jarraitu irakurtzen
Nafarroako Hondakinen Plana Cementos Portland zaborra erretzeko ekimenarekin erlazionatuta
Orain dela gutxi ezagutzen genuen Espainiako Auzitegi Gorenak baliogabe utzi zuen Nafarroako Hiri Hondakinen Plana. Sustrai Erakuntza fundazioak eta Sakanako Mankomunitateak eraman zuten plana auzitara. Arrazoi horregatik, prentsaurreko batean parte hartu dugu Mankomunitate, Olaztiko Udaletxea eta 3 Mugak Batera plataformarekin. Hemen duzu gure irakurketa, Guaixe Aldizkarian agertu den bezala… Jarraitu irakurtzen
Espainiako Auzitegi Gorenak behin betiko utzi du baliogabean Nafarroako Hiri Hondakinen Plana
Espainiako Auzitegi Goreneko Administrazio-Auzietarako 5. sekzioak atzera bota du Nafarroako Gobernuak aurkeztutako helegitea eta, beraz, baliogabe utzi du Nafarroako Hiri Hondakinen 2010-2020 Plan Integratua. Sakanako Mankomunitateak eta Sustrai Erakuntza fundazioak eraman zuten plana auzitara. (Arankoan egin dugun prentsaurrekoari buruzko testua irakurtzen jarraitu, eta baita ere epai osoa jaso, audioa, argazkiak…) Jarraitu irakurtzen
Hondakinen Plana justizia epaitegietan
Sustrai Erakuntzaren iritzi artikulua, Nafar Gobernuak zaborrak kudeatzeko Plana berrikustea proposatu duenaren harira. Zaborraren plana epaiketetan baliogabea izendatu da.
Nafarroa erreferentziazko eskualdea zen hiri hondakin solidoen kudeaketan, XX. mende bukaeran. Nafarroari egiten zioten so bertze hainbat eskualdek, hondakinak tratatzeko haien moduak hobetze aldera. Gero, ordea, bertzeen artean nabarmentzeari utzi zion, eta, orain, noraezean dabil, Europak zehaztutako bideetan gidatuko duen inolako planik gabe. Jarraitu irakurtzen
Nafarroaren burujabetza energetikorantz: eztabaidarako proposamena, txosten osoa
“Nafarroaren burujabetza energetikorantz: eztabaidarako proposamena” izenburua duen txostena aurkezten dugu hemen. Testu luzean Nafarroako gaurko errealitate energetikoa aztertu eta ondoren gaur egungo krisi energetikoa irtenbidea emateko zenbait gako proposatzen ditugu. Txosten osoa PDF formatuan (erderaz) hemen lortu dezakezu, eta liburu elektronikoendako EPUB formatuan ere. Eta artikulu osora joaten baduzu, Katakraken aurkezpenerako ekitaldian eman dugun prentsa oharra irakurri dezakezu, txotenaren laburpen bezala balioko duena, eta bideo, audio, argazki, presentazioak eta abar… Jarraitu irakurtzen
AHT-ren lanek legez kanpo jarraitzen dute
Abiadura Handiko Trenaren lanek aurrera jarraitzen dute lege betebeharrei muzin eginez. Proiektua 2004. urtean onartu zen, baina lanak 2011ra arte ez ziren hasi. Ordurako, ingurumen inpaktuaren ebaluaketa bertan behera zegoen, besteak beste, araudi espainarrak ematen zion bost urteko iraunaldia pasatua baitzegoen, aldez aurretik eguneratua izan gabe. Hala, Madrilgo Justizia Auzitegi Nagusiak erantzun zion pasa den udan Sustrai Erakuntza Fundazioak jarritako helegiteari. Epaiak argi eta garbi deklaratu zuen aipatutako ingurumen inpaktuaren ebaluaketaren iraungipena eta baliogabetasuna. Jarraitu irakurtzen
Nafarroako Gobernuak ez ditu epai judizialak betetzen
Artikulu honetan Sustrai Erakuntzak Nafarroako Gobernuak ingurugiroari buruzko hainbat legediaren aurkako jarduera pilatu dituela salatu nahi du. Hala nola, AHTaren zuzeneko exekuzioa nahiz eta Ingurugiroaren gaineko Eraginen Deklarazioa baliogabea izan, AHTaren gaiarekin lotuta informazioaren eskuratzea eta parte hartze publikoaren ukatzea eta Castejongo zentral termikoen mantentzea egoera guztiz ilegalean. Baina komunikatu irakurri baino lehen gure kide den Pablo Cadena Ser irratian eginiko elkarrizketa entzun dezakezu ere, bai hemen edo archive.org webgunean (elkarrizketa erdaraz dago, barkatu eragozpenak): Jarraitu irakurtzen
AHTari buruzko informazioa ezkutatzeagatik zigortu dute Nafar Gobernua
Herritarrek abiadura handiko tren proiektuari buruz informazio publikoa jasotzeko eskubidea ez betetzeagatik eta informazioa ezkutatzeagatik zigortu du Nafarroako Justizia Auzitegi Nagusiak gobernua. Sustrai Erakuntza fundazioak jarritako helegiteari arrazoia eman dio epaitegiak, eta onartu du gobernuak ez duela errespetatu edozein herritarrek egitasmo horren inguruan informazioa jasotzeko duten eskubidea. Nafarroako Gobernuak AHTari buruzko proiektuaren inguruan duen ingurugiroako informazio guztia eman beharko dio Sustrai Erakuntza Fundazioari, auzitegi aginduta. Hilabeteko epea eman dio horretarako, zabaldutako sententziaren bidez (pdf artxiboa, 174 Kb). Jarraitu irakurtzen
Sustrai Erakuntzak Europako Parlamentuan azaltzea eskatu du Kastejongo zentral termikoaren arazoa argitzeko
Kastejongo zentral termikoak gaur egun legez kanpokoak dira, Erriberako Zentral gehiagorik Ez Plataformak bultzatu dituen errekurtsoen ondoren. Errekurtso hauek Plataformaren aldeko lau sententzietan ebatzi dira. Hala ere, epaitegietako erabaki hauek ez dute Zentralen erabilera gelditu ezta hauek sortzen dituzten giza eta ingurumen inpaktuak ebatzi. Plataformak, Sustrai Erakuntzaren bidez, Europako Parlamentura jo izana eragiten du zuzenbidea behar bezala ez bete izanagatik. (Prentsa oharraren textuak erderaz jarraitzen du, barkatu eragozpenak) Jarraitu irakurtzen