Krisi ekosozial sakona jasaten ari garela begi bistakoa da. Badirudi argi dugula trantsizio energetikoa saihestezina dela. Hala ere, ez dirudi hain argi dugunik trantsizio energetikoaren ardatza birsortze ekologikoa izan behar dela eta gure ekonomia biosferara egokitu behar dugula. Ez dago ere batere argi inposatzen ari diren trantsizio berdeak korporazio energetiko handien boterea zalantzan jartzeko balio duenik. Begiratu besterik ez da behar, nola Estatuen, Europako Itun Berdearen eta Next Generation Funtsen eskutik mota guztietako enpresak, multinazionalak, inbertsio-funtsak… erakartzen ari diren, elektrifikazioan negozio aukera bat besterik ikusten ez dutenak.

• Ministerioak eraikuntza baimenak eman dizkio Forestalia enpresaren makrolinea elektrikoei.
• Horren aurrean, lurraldearen defentsarako taldeek errekurtsoak aurkeztu ditugu.
• Bitartean, enpresa harremanetan jarri da lineak pasarazi nahi dituen lurren jabeekin, bere borondateak erosten saiatzeko.