Nafarroako Korridorearen eta Euskal Y-aren arteko loturan AHTren lanak aurrerago egiteko finka partikularretan eta publikoetan zundaketak egiteko asmoa ikusita, STOP AHT ZUNDAKETAK ekimenak (AHT Gelditu, Landarlan, Otsotar, Sakana Trenaren Alde eta Sustrai Erakuntza fundazioa) ekainaren 27an, asteartea, 19:00etan Lakuntzako plazan egingo den elkarretaratzean parte hartzera deia egiten du, “AHTren zundaketak STOP” lelopean.
Jarraitu irakurtzen
Azken asteotan, Espainako eta Nafarroako Gobernuak Abiadura Handiko Trenaren (AHT) lanekin aurrera egiten tematzen ari dira. Garraio, Mugikortasun eta Hiri Agentzia Ministerioaren ekimenez, Sakanako Udalak jakinarazpenak jasotzen ari dira 2023ko maiatzetik irailera bitartean beren herrietan zundaketa geoteknikoak egiteko, AHTa Euskal Y-arekin lotzeko alternatiben azterketaren barruan. Prospekzio horiek egiteko, eragindako lurzatiei eta jabeei buruzko informazioa ematera behartzen dira udalak.
Jarraitu irakurtzen
Duela aste batzuk aurreratu genuen bezala, Abiadura Handiko Trenaren proiektuak hauteskunde garaian jarri dira jendaurrean bai Iruñerrian, bai Erriberan. Talde politiko batzuei errentagarria egiten zaie AHTa eraikitzeko iragarkiak egitea, nahiz eta errealitateak esaten digun azpiegitura handi horren eraikuntzarekin gizarte guztiak galtzen duela. Eta zentzu guztietan galtzen dugu: zentzu ekonomikoan, gehiegizko kostuagatik; zentzu sozialean, AHTa martxan jartzeak dakarren tren-zerbitzuaren okerragotzeagatik; eta zentzu ekologikoan, ingurumenarentzat dituen ondorio larriengatik.
Jarraitu irakurtzen
Hauteskunde garaia itzuli da eta Abiadura Handiko Trenaren gaia berriro dira hizpide. Azken informazioen arabera, datozen hilabeteetan Zaragoza-Castejon eta Iruñerriko tarteen trazaduraren hasierako azterketak aurkeztea aurreikusten da. Baina, gainera, azken kasu honetan, Etxabakoitz auzoko hirigintza-proiektua ere berraktibatu dute orain. Ia 12.000 etxebizitzako “pelotazoa” izan da, hau da, hasieran planifikatu baino ia 3.000 etxebizitza gehiago.
Jarraitu irakurtzen
Azken asteotan, Abiadura Handiko Trenaren Zero Zatiaren eraikuntzaz asko hitz egin da, Castejonen aurrera eramatekoa dena. Azpiegitura honek Ebro ibaia zeharkatuko luke 700 metro luzeko bidezubi batekin. Bidezubia ohiko trenarekin lotzeko 4 kilometro inguruko bide zatia eraikiko lukete Tutera eta Zaragozarako norabidean. Albisteen arabera, obra hauek 2023an hasiko lirateke.
Jarraitu irakurtzen
Nafarroako Gobernuak hilaren 30ean bukatuko den parte-hartze prozesu bat aurkeztu du, Nafarroako Plan Energetiko berriaren zirriborroa eztabaidatzeko. Prozesu honek hilabete t’erdi bat baino zertxobait gehiago iraun du, 600 orrialdeko dokumentu bat aztertzeko eta beroni ekarpenak eta alegazioak aurkezteko. Dokumentu luze honen eskemak egun indarrean dagoen plan energetikoarenarekin antz handia du eta honako gaiak aurki daitezke: produkzio elektrikoa, energia eolikoa, biomasaz sortutakoa, elektrizitate eta gas hornikuntzarako sareak, mugikortasuna eta honen energiarekiko erlazioa eta, azkenik, komunitate energetikoaren eta auto-konsumoaren gaiak jorratzen dituzten kapituluak.
Jarraitu irakurtzen
Azken asteotan, Estatu Espainiarraren gobernuak etorkizunaren bilakaerarendako bi plan garrantzitsu aurkeztu ditu. Hasteko, Estatuko Aurrekontu Orokorren proiektu tipikoen bertsio berri bat, alferrikako azpiegitura erraldoietan xahutze-energetikoz eta ingurugiroaren suntsiketaz josia. Handik egun batzuetara, berriz, energia aurrezteko Kontingentzia Energetikoaren Plana aurkeztu ziguten.
Jarraitu irakurtzen
Azken aldiko krisi ekologiko, ekonomiko eta sozial handienaren atarian, Gobernu zentralari zein foru gobernuari ez zaie bururatzen AHTaren zaku hautsiari diru publikoa xahutzen jarraitzea baino gauza hoberik. Covid osteko Next Generation Europako berraktibazio funtsetatik 145 milioi euro gastatuko dituzte Nafarroako korridorean 2026a baino lehen. Hori gutxi balitz, Nafarroarako 2022ko aurrekontu orokorretatik inbertsioaren erdia baino gehiago AHTra bideratuko da: 52 milioi €.
Jarraitu irakurtzen
Bernardo Ciriza Lurralde Kohesiorako kontseilariak iragarri du Nafarroako eta Espainako Gobernuek 200 milioi euro gehiago gastatuko dituztela Campanas – Castejon ibilbidean 20 minutu aurrezteko. Tarte horren kostu osoa, egitekotan, 700 milioi eurotik gorakoa izango da.
Jarraitu irakurtzen
Maria Chivite presidenteak iragarri duenez, Garraio Ministerioak 145,5 milioi euro gastatuko ditu Abiadura Handiko Trenean. Horietatik 105,5 milioi Tafalla eta Campanas arteko AHTaren plataforma eraikitzeko erabiliko dituzte. Gainera, beste 40 milioi euro xahutuko dituzte Castejonen AHTa eta Bilbo eta Zaragozako Casetas arteko bide konbentzionala lotuko dituzten lanak finantzatzeko, horretarako Ebro gaineko biadukto bat eraikiz…
Jarraitu irakurtzen