STOP BIOGAS ARRONIZ HERRI PLATAFORMAk eskaera bat erregistratu dio Nafarroako Gobernuko Landa Garapen eta Ingurumen Departamentuari, AGR BIOGASek Arronizen proposatutako proiektua ez baimentzeko. Aldi berean, Departamenduarekin bilera bat egitea eskatu du, herriaren gehiengoaren erabakia helarazteko.

Plataformak Arronizen erroldatutako 18 urtetik gorako pertsonen 508 sinadura aurkeztu ditu. 2023ko hauteskundeetan 865 pertsona erroldatuta zeuden, Estatistikako Institutu Nazionalaren arabera. Erroldaren ia % 60 biometanizazioko makroplantaren proiektuaren aurka egoteak agerian uzten du herriaren gehiengoak irmotasunez errefusatzen duela proiektua. Datu hori ez dator bat Arronizko Udalak zuzentzen duen talde politikoak azken udal hauteskundeetan lortutako 312 botoekin, azken hilabeteotan Sevillako enpresaren biogas proiektuari babesa eman diona.

Beste behin ere, Arronizko biztanleen gehienek inposatutako proiektuen aurka daudela adierazi dute. Proiektu horiek ez dute beren beharren tamainarekin bat egiten, eta zalantzan jartzen dituzte beren lurren eta produktuen kalitatea, osasuna eta ongizatea. Biometanizazio plantan sortutako hondakinek jatorri industrialeko hondakinak izango lituzkete. Nekazaritza lurretan ongarri gisa erabiltzen dira, eta lurrak hondatu ditzakete, nitrato gehiegirekin eta beste konposatu batzuekin kutsatuak, metal astunak esaterako. Beharrezkoa da, beraz, Nafarroako Gobernuak herriaren gehiengoaren erabakia errespetatzea.