Sustrai Erakuntza Fundazioak eta Nafarroako Ecologistas en Acción taldeak gora jotzeko errekurtsoa aurkeztu dute, Tuterako lohi-planta zentralizatua ahalbidetzen duen ingurumen-baimen integratuen kontra.
2025eko azaroaren 25ean, Nafarroako Aldizkari Ofizialean, 236. zenbakian, Ingurumeneko zuzendari nagusiaren azaroaren 5eko 1249E/2025 EBAZPENA argitaratu zen. Ebazpen horren bidez, ingurumeneko baimen bateratua eman zitzaion hiriko hondakin-urak arazteko eta arriskutsuak ez diren hondakinak kudeatzeko instalazioari. Instalazio horren titularra Nafarroa de Infraestructuras Locales SA da, eta Tuterako udalerrian dago.
Erakunde ekologistek gora jotzeko errekurtsoa aurkeztu dute plantaren ingurumen-afekzioengatik; izan ere, uholde-arriskuko eremuan dago, eremu babestuta den KBE batekin muga egiten du eta balio agroekologiko handiko eremuak hartzen ditu. Era berean, proiektuak Tuterako hirigintza-plan orokorra eta lizentziari buruzko beste alderdi batzuk urratzen dituelakoan gaude.
Sustrai Erakuntza Fundazioak eta Nafarroako Ecologistas en Acción elkarteak ohartarazi nahi dugu oso arriskutsua dela makroplanta den eredu hau, digestatoaren xede-eremuak sakrifizio-eremu bihurtuko baititu, Tuterako plantaren kasuan eremu txiki batean kontzentratzen baitira Nafarroako % 40ko digestatoak.
Elkarte ekologistok azpimarratu nahi dugu ahal duten guztia egingo dugula proiektu hau gelditzeko, eta ez dugu baztertzen administrazioarekiko auzibidera jotzea.
Sustrai Erakuntza fundazioa eta Nafarroako Ecologistas en Acción.