2025eko abuztuaren 4an, La Bal D ‘Onsella eta Erreniegako Meategien aurkako Plataformak, Ecologistas en Acción elkarteak eta Sustrai Erakuntza Fundazioak eskaera bat erregistratu genuen Nafarroako Parlamentuan, Nafarroako obra publikoen esleipenak ikertzeko sortutako Ikerketa Batzordeak Mina Muga bere lanetan sar zezan.
Une hartan, komunikabideetan agertutako hainbat txostenek Mina Muga ustezko sare ustel baten jatorrian kokatzen zuten. Datu horien argitan, hainbat enpresa (Geoalcali, Servinabar, Acciona, ABEE Sangüesa-Zangoza Services) eta alderdi politikoetan integratutako pertsonak erlazionatuta zeuden Mina Muga martxan jartzeko eragin-eta bitartekotza lanetan. Are gehiago, baimenak eman behar zituzten administrazioetan (estatukoak, autonomikoak eta tokikoak) badira zantzuak borondateak modu desberdinetan atzemateko lanetan zebiltzatela.
Zoritxarrez, hilabete batzuk igaro dira Parlamentuaren erantzunik gabe Geoalcali enpresaren Mina Mugaren ikerketa bere lanen artean sartzeko.
Azken asteotan, norabide berean doazen datu berriak argitaratu dira, eta bidegabeko eta erabat gaitzesgarriak diren jardunbideen susmoa indartzen dute. Bitartekaritza horiek, orain aurkitutakoak, ebidentziak sendotzen dituzte. Ebidentzia horiek Parlamentuari egindako aurreko jakinarazpenean nabarmendu ziren. Geoalcalik 2015ean sustatutako Mina Muga proiektuaren Ingurumen Inpaktuaren Adierazpenaren formulazioan inplikatutako administrazioen neutraltasuna desitxuratzeko maniobrak izan omen dira.
Horregatik guztiagatik, jakinarazten dugu, ezagutzen ari garen datuen larritasuna ikusita, La Bal D ‘Onsella eta Erreniegako Meategien aurkako Plataformak, Ecologistas en Acción elkarteak eta Sustrai Erakuntza Fundazioak Nafarroako Parlamentuko alderdi politikoei zuzendutako eskaera bat erregistratu dugula berriro, eskakizun hauekin:
- Mina Mugaren administrazio-espedientea sartzea herri-lanen esleipenei buruz Ikerketa Batzordeari agindutako lanen artean.
- Edo, bestela, Mina Mugari buruzko berariazko ikerketa-batzorde berri bat sortzea.
- Kontuen Ganberari eskatu Mina Muga espedientearen administrazio-izapidetzearen eta Geoalcali Fundazioak Zangoza inguruko udalei egindako dohaintzen auditoretza egin dezan.
Legebiltzarrean erregistratutako idazkiaren eduki osoa hemen deskargatu daiteke.